2022 թ․-ի հոկտեմբերին «Գլոբալ թու Լոքալ-Հայաստան» ՀԿ-ն ՀՀ-ում Ֆրիդրիխ Էբերտ Հիմնադրամի հետ համատեղ իրականացրեց «Սոցիալական անարդարությունը դպրոցում» խորագրով ուսուցչական համաժողով, որն իր շուրջը համախմբեց 30 բանախոսի և ավելի քան 100 մասնակցի։ Ուսուցչական համաժողովի նպատակն էր հանրային հարթակ հանդիսանալ հանրակրթական ուսումնական հաստատություններում սոցիալական արդարության ջատագովության, սոցիալական անարդարության պատճառների և դրսևորումների քննարկման, մանկավարժական առաջավոր փորձի և կրթական լուծումների տարածման համար՝ համախմբելով կրթության տեղական ու միջազգային դերակատարներին: