«Գլոբալ թու Լոքալ»-ը Վրաստանում նախաձեռնել է նոր նախագիծ՝ նպատակ ունենալով բարձրացնել հանրության իրազեկվածությունը դպրոցական ահաբեկչության մասին: Վրաստան կատարած մեր այցի ընթացքում շփվեցինք Վրաստանի Շոթա Ռուսթավելիի անվան թատրոնի և կինոյի պետական համալսարանի ուսանողների և ղեկավարության հետ։ Կազմակերպեցինք նաև սեմինար՝ նվիրված բուլինգի կանխարգելմանը և քննարկեցինք թատրոնի ազդեցիկ դերը սոցիալական խնդիրների լուծման գործում: Բացի այդ, մենք հանդիպում ունեցանք Պետական Նոր թատրոնի գեղարվեստական ղեկավար Դավիթ Դոյաշվիլիի և իր գործընկերների հետ՝ բացահայտելու բուլինգի կանխարգելմանն ուղղված մյուզիքլ բեմադրելու հնարավորությունները։