Հայաստանում բուլինգի կանխարգելմանն առավել համակարգված մոտեցում ցուցաբերելու նպատակով՝ 2024 թվականին մենք ստեղծել ենք բուլինգի կանխարգելման երկու նոր կրթական մոդուլներ՝ համալրելով և ամբողջականացնելով ուսումնամեթոդական ձեռնարկը։ Ձեռնարկի նպատակն է աջակցել հանրակրթության ոլորտի մասնագետներին՝ իրենց գործունեության մեջ կիրառելու բուլինգի կանխարգելմանն ուղղված՝ մեր կողմից մշակված արդյունավետ և համակարգված մոտեցումները։
Ուսումնամեթոդական այս ձեռնարկը հիմնված է շվեդական առաջադեմ մեթոդաբանության և տեղայնացված փորձի վրա։ Այն ներառում է տեսական, գործնական և ինտերակտիվ գործիքներ, որոնք նպաստում են ոչ միայն մանկավարժական անձնակազմի՝ բուլինգի կանխարգելման մեթոդների արդյունավետ կիրառմանը, այլև ամբողջ դպրոցական համայնքի ակտիվ ներգրավմանը։
Ձեռնարկի կիրառմամբ նախատեսում ենք իրականացնել առկա և հեռավար վերապատրաստումներ «Գլոբալ թու Լոքալ Ակադեմիայի» շրջանակում՝ օգտագործելով բացառապես մեր կողմից մշակված ռեսուրսները, այդ թվում՝ «Որոշում» ինտերակտիվ ֆիլմը, «Չուչել» թատերական ներկայացումը և այլ կրթական նյութեր։
Ծրագրի տևողությունը` 2024-2025
Ծրագրի բյուջե` 5,200,000 դրամ